於去年的業績記者會，長和系主席李嘉誠曾經講過如果有閒錢，市民可考慮買樓，但樓市升咗咁多，尋日又有老記問李嘉誠指點迷津。李嘉誠話要講自己嘅內心世界畀大家聽，就是「投資是要小心」，不論個人投資要小心，基金會的投資，佢更小心，對公眾講樓價及股價，佢本人更萬分小心。因自己太大膽，損失是個人的，若對公眾說話不盡不實及有誇大，則是罪過！佢仲話依家樓價主要看兩方面，一方面佢認為地價穩定，而建築費飛漲、利息又低，出現通脹是不稀奇。
近期市場熱話仲包括最低工資立法，李嘉誠話對集團影響不大，因集團只有很少、很少員工屬最低工資工種，若落實最低工資，集團會以合作態度處理。
TOM Online早前於內地終止了與谷歌（Google）的合作，令人猜想TOM集團（02383）是否不贊同谷歌撤出內地的市場，TOM集團主席陸法蘭表示，這純粹是商業決定。