港建業績大好，但股價大大落後，其○七年高位3.5元，○八年金融海嘯價約0.3元水平，去年股價喺0.6元水平橫行，同大市嘅上升脫晒節，現水平乃低吸良機，短期目標0.8元，中線睇1.2元。

港建主要從事內地物業投資同發展，以及新能源項目。內地樓價去年升幅以倍計，而新能源亦係中央全力扶持嘅項目，港建業務食正國策呢條水，加上兩項主要業務進入收成期，港建只要發力追落後，股價升一兩個開，絕對有可能。

○九年十二月底結算，港建每股資產淨值1.43元，市帳率0.48倍，亦係相當偏低，就算以中線目標價1.2元計，亦只有0.84倍。

港建有兩大基金持股達38.53%，成本起碼超過2元，基金要歸本，就會做工夫。

香港建設（00190）　目標價：0.80元　止蝕價：0.62元