本文重點
受印度加息影響，港股昨日下跌2%，不過成交唔算多，只要恒指守住20,800點水平，整固後或再展升浪。大市跌，股仔照炒，志強上星期五買入的環境資源（01130）走勢對辦，今日公布業績，睇睇有無勁料公布。
中國天化工（00362）上月底以每股0.2元配售4.4億股，配售完成後，成交一直縮水，可見接貨者唔急於沽貨，多數係作長線投資。
睇番今次配售有份接貨者粒粒巨星，公司成功引入JP Morgan、Senrigan Master Fund及Susquehanna Ireland Limited為長線投資者，前景值得睇高一線。
集團○九年受金融海嘯影響，盈利倒退37%至1.68億元，往績市盈率6.2倍。預期公司今年旗下的PVC產品受惠建材下鄉政策，帶動盈利回復高增長，盈利可望回升至2.9億元，市盈率進一步回落至4.4倍。
上升潛力充足
即使唔計及建材下鄉的因素，中國天化工亦具足夠的上升潛力，皆因集團正在計劃分拆PVC相關業務上市，相信有關憧憬可成為股價上升的催化劑。
集團現價預測市盈率係化工股中最平，即使股價倍升，預測PE亦不足十倍，打個折用0.4元做目標，PB亦不足一倍，值博率極高，又係刀仔鋸大樹之選。