23/03/2010

播放本新聞相關短片
查詢股票編號

李福兆買股只燉不炒

證券商協會三十周年,破天荒邀得有「股壇校長」之稱嘅聯交所前主席李福兆出席,佢同「好兄弟」兼立法會議員詹培忠喺晚宴上演嘅一場「棟篤笑」,令人拍案叫絕。

詹培忠話校長六歲開始識炒股,叫佢傳授吓炒股秘笈畀大家,校長即時澄清,話自己不是炒股,只係佢父親叫佢「股票可以買啲,唔使賣㗎。」佢仲話股票「長期宜燉,不宜炒,因為燉最多只係乾水,但炒就有可能會燶!」

當年創業因「唔好老脾」

詹培忠又問,校長當年明明喺外國讀會計,點解番嚟會做咗股票呢行?校長話真係因禍得福,佢當年讀完書番嚟曾做過會計,當時有一兩個客仔籌備上市已成熟,但香港會話好忙,做唔切呢啲本地「股仔」,自認唔好老脾嘅校長,決定自立門戶,自己搞交易所,就喺一九六九年成立咗遠東交易所,亦確立咗華資喺證券界嘅地位。