20/03/2010

播放本新聞相關短片
查詢股票編號

分散風險大有學問

在金融財務學內,風險是指嗰啲未知嘅潛在損失,而且包括咗不同類別嘅風險,就好似市場風險、公司風險、信貸風險等,但是對於投資股票而言,一般面對嘅風險有兩大類,分別是系統性風險(Systematric Risks)及非系統性風險(Unsystematric Risks)。

系統性風險又叫不可分散的風險,意思係指投資者唔能夠避免這種風險,而且投資者亦唔可以透過分散投資來減低,例子有經濟衰退、通脹、利息變化、戰爭等。而非系統性風險又叫可分散的風險,這種風險係可以透過分散投資來減低,例子有罷工、法律改變等。上述兩種風險加起來叫總風險。喺總風險之中,倘若投資者運用分散投資法嘅話,就可以減低可分散風險,唯一唔能夠解決嘅係不可分散的風險。曾經有研究顯示,喺一個投資組合中,投資10至15隻股票上面,就已經能夠將風險減到最低水平;往後無論投資者再加幾多隻股票都好,風險都唔可能再減。

股份相關性左右回報

好多時候,有啲投資者以為買同一個行業入面唔同嘅股票,就已經等於分散風險。其實,呢種投資方法並不符合分散風險原則,因為如果一旦銀行業因經濟轉差而受累時,組合內持有嘅所有銀行股將會一起全部下跌,當中或許只存在幅度嘅差別而已。

因此,當投資者建立股票投資組合時,最好嘅方法係先研究不同股票之間嘅相關性(相關係數Correlation Coefficient),盡量選擇一些相關性較低嘅行業,從而有效地分散風險,避免全部股票同時間受同樣嘅因素影響。譬如,在二○○八年,假若投資者選擇同時間投資內地地產股及內地銀行股,很可能發現跌幅都頗大,主因是兩者嘅相關性頗高;假若投資者將其中一隻股票改為快餐飲食股,很可能會發現組合嘅表現會大幅改善。

甚麼是石油強度?

石油強度(Oil Intensity)是指每推動一個單位本地生產總值(GDP)的石油耗用量,反映當時社會的用油效益。在七十年代初,推動相當於今日100萬美元的經濟總值,要日耗1.3桶石油,但今日只需0.6桶石油,即有同樣效果。

洪龍荃