徐靜蕾助宣傳

太子聽朋友講，李寧為咗打響樂途品牌，今次棄用體育明星做代言人，改為贊助內地女明星徐靜蕾主演嘅電影，戲內徐靜蕾會着上樂途嘅運動衫褲，以收宣傳之效。

早前宣傳凱勝品牌羽毛球時，搵林丹做代言人。李寧首席執行官兼總裁張志勇話，徐靜蕾係著名女星，佢喺網上寫「博客」好受歡迎，今次贊助呢齣電影，可提升品牌嘅影響力同知名度。

張志勇又話，公司收購咗紅雙喜、凱勝及樂途後，已完成收購品牌策略，暫時不會再有收購。睇番經營情況，今年首兩月同店銷售增長6.5%，今年同店銷售目標增長10%，未來目標維持47至48%。