當年買樓死慳死抵

佢哋往往想一步登天，初次置業就想買鰂魚涌太古城同康怡花園呢類大型藍籌屋苑，梗係難買啦。

眼見依家咁多人話買唔到樓，黃建業就講番自己第一次做業主嘅經驗，當時為咗買樓，日日死慳死抵，餐餐捱即食麵，仲要同另一個朋友夾錢，先可以一嘗做業主嘅滋味，佢仲笑言夾錢嗰位朋友仲係男人嚟添。

黃建業又講，依家樓市咁旺，市民買樓嘅意欲其實好強，只係唔識得揀選自己有能力負擔嘅屋苑入市，佢話初次買樓就應該先從細價嘅上車屋苑着手，之後因應自己嘅經濟能力先再諗換樓。