本文重點
自龔如心千億元遺產爭奪戰裁決後，大家嘅焦點唔單只係陳振聰，仲
住靜咗好多年嘅龔系股票有冇作為。唔知係咪靜得太耐，啲彈跳力真係不同凡響，篤下計數機，自從官司有結果後，安寧控股（00128）、丹楓控股（00271）同博富臨置業（00225）在無實際消息支持吓，竟分別累升229%、92%同47%！如果個升幅用嚟做善事，都應該造福好多人。
住靜咗好多年嘅龔系股票有冇作為。唔知係咪靜得太耐，啲彈跳力真係不同凡響，篤下計數機，自從官司有結果後，安寧控股（00128）、丹楓控股（00271）同博富臨置業（00225）在無實際消息支持吓，竟分別累升229%、92%同47%！如果個升幅用嚟做善事，都應該造福好多人。
丹楓博富臨一年新高
安寧已經炒咗一輪，尋日市場好似轉炒丹楓同博富臨，呢兩隻股份尋日無端端升咗54%同24%，成為全日升幅最大嘅兩隻股份，同創一年新高；丹楓嘅成交量高達5.35億股，為全日成交第六多嘅股份，成交金額差唔多6億元。
收市後丹楓按例發公告，話唔知股價同成交量點解咁高。太子硬要個經紀老友「查找升因」，佢就話近日個市都無咩大方向，大股無得炒，投資者就轉炒細價股，尤其小甜甜個細佬龔仁心，上星期話考慮將華懋上市，大家憧憬龔系股份有嘢搞。