中國天化工（00362）股價由一月中嘅高位0.29元回落，曾跌至0.21元後見底回升，尋日收0.23元，升0.6仙。呢兩日股價以大成交升穿10日線同20日線阻力，MACD出現轉好買貨訊號，短期若能升穿50日線阻力，可確認大升浪展開，初步目標重上0.29元，整固後再破位，中線目標0.44元。
集團上月底以每股0.2元先舊後新配售4.4億股，股價回落整固，但成交唔見增加，可見接貨者惜貨如金，估計貨源收乾後，好戲就會上演。
中國天化工○九年度受金融海嘯影響，盈利倒退37%至1.68億元，往績市盈率6.2倍。
今個年度盈利可望回復高增長，旗下PVC同相關產品都係建材嘅主要原材料，受惠建材下鄉，對產品需求大增，將帶動盈利大幅上升，預期盈利2.9億元，每股獲利5.2仙，市盈率只有4.4倍。
集團正計劃分拆旗下聚氯乙烯同相關碳化鈣業務上市，對股價上升帶來新動力。