搵男模宣傳夠特別

阿John解釋，因為今次張信用卡同高清機頂盒公司合作，見係高科技嘢，所以連個發布會都想搞搞新意思。太子見公司搵模做宣傳就多，難得大新今次搵嚟兩位男模幫手。至於男模有無模咁養眼，就見仁見智喇！不過，阿John就親自向兩位男模授勳，之後兩位男模就展開大新信用卡嘅旗幟，論推廣模式都幾眼前一亮。

話時話呢張新信用卡最大嘅賣點，就係用家每個月可以自己揀5間心水商戶，喺呢5間商戶簽帳就享有十倍現金回贈，變相即係攞到九五折優惠。