本文重點
港交所（00388）嘅官方網站（www.hkex.com.hk），係最多人瀏覽嘅網站之一，應該都冇乜人有異議，由於網站已沿用多年，港交所網站即將會進行大變身。港交所將會喺今個禮拜日（十四日）推出更新官方網站。下周一開市後，當大家要click入港交所網站睇港股資訊，就會見到全新面貌。
今次港交所網站變身，同現時網站最大嘅分別係版面設計同找尋路徑，新網站並且將不同嘅資料內容重新分類整合，同加入一啲快速連結，好似分開投資者、上市公司、經紀、傳媒、資訊供應商及港交所股東，各取所需，並且輔以強化嘅搜尋引擎等。
下階段再添新功能
但載有所有上市公司通告同權益披露等資料嘅「披露易」網站，暫時就不會改變。
由於網站變身前已畀業內人士試用，太子都登入過，就覺得版面整齊咗好多，冇咁多不同項嘅資訊放晒喺主頁。
今次變身原來只係第一階段，仲有第二階段，屆時將會加入一啲新功能，好似RSS，即係簡易資訊聚合，希望可以喺今年稍後時間推出。
港交所○九年曾委聘顧問就其網站進行改革，目的係希望其資訊架構能與本地同國際最佳常規一致。