本文重點
獅子錢莊係國際性銀行，員工來自世界各地，自然有唔同種族、宗教等，所以佢哋好重視多元共融嘅工作環境，喺一視同仁下，女性員工得到平等嘅晉升機會。太子就知道滙豐趁着今年嘅三八國際婦女節，喺月內亞太唔同嘅地方開展了一連串的活動。
香港方面，喺婦女節當日，佢哋就同教育局合作搞咗個由女性管理層主持嘅職業講座，包括區佩兒同陳王潔明，仲有較為陌生嘅陸麗仁同廖佩玲，向到場嘅二百五十位學生，分享吓佢哋點樣努力，喺職場上爭取機會。太子都想去聽吓，話晒喺間咁大嘅機構能夠上到位絕非易事。
未輕言轉工要學習
學生哥亦有提出發問，好似想了解吓佢哋點解畢業後就一直喺獅子銀行做到唔捨得走？依家啲年輕人乜都快來快去，無論轉工、換畫都係咁，對於佢哋嚟講，喺同一間機構做十幾廿年，又真係有點難度。而獅子銀行另一女將馮婉眉就會喺下周與同事們分享佢嘅成功經驗。