本文重點
上周國務院總理溫家寶發表政府工作報告時明確表示，要積極擴大直接融資，完善多層次資本市場體系，擴大股權和債券規模，更好地滿足多樣化投融資需求，顯示當局十分重視資本市場運作。
報告還強調，要保持貨幣信貸合理充裕，並提出今年廣義貨幣M2增長目標約為17%，新增人民幣貸款約7.5萬億元人民幣。這個清晰嘅指標，有助消除投資者對貨幣政策嘅疑慮。由此亦可推斷，今年內地整體資本市場將平穩發展，至於能否透過投資中資股取得跑贏大市嘅回報，就要睇投資者嘅選股功力。
個股方面，建議關注雨潤食品（01068）。去年底，《全國生豬屠宰行業發展規劃》出台，至一三年，全國計劃大量淘汰三成手工及半機械化等落後嘅生豬屠宰廠，到一五年進一步擴大至五成。此外，當局還將擴大行業嘅整合規模及提升整合進度，到一三年，爭取縣城以上城區豬肉小包裝銷售比例由目前嘅一成提升至一成半，冷鮮肉市場份額由目前嘅一成提升至兩成，到一五年兩者比例將進一步提升至分別為兩成及三成。
市佔率持續提高
去年中期，雨潤實現純利8.41億元，同比增長36.9%，顯示業務受惠內需強勁，相信下半年增速加快，全年純利有望達到17億元，現價預測市盈率二十二倍，較競爭對手雙匯（A︰000895）現價○九年度預測市盈率二十六倍為低。喺預示今、明兩年業務將會加快之下，雨潤嘅估值有上調空間，合理價睇28至30元，止蝕位19.5元。