截數前還款 免捱貴息

信用卡如果能妥善使用，的確可以為我哋帶來方便，但是假如持卡者墮入先使未來錢嘅陷阱之中，而不懂節制，肯定係一個重大危機。持卡者喺信用卡每期截數前還清欠款嘅話，銀行係唔會收取任何利息及費用。不過，假如持卡者未能喺截數前歸還欠款，銀行就會收取昂貴嘅利息及手續費，當然各銀行均有各自的收費表，但係大部分息率都超過30%，算係「相當驚人」。

之前，身邊有位朋友同我訴苦，佢話自己喺過去半年分別買咗部單鏡反光機、一大堆輔助鏡頭、手機、iPod touch等，總數加加埋埋超過15,000元，而全部都靠信用卡做分期付款。雖然他本身有做Part time，收入應該夠維持供款，但係點知之後公司無端端減咗佢返工鐘數，搞到收入頓時由過去幾千元大跌到一千元左右，導致供款出現困難。最後仲要麻煩屋企人幫手，先可以繼續還款，唔使畀銀行加收利息及手續費。

累積資金 再作投資

好多時，年輕人一講到理財，腦海中第一個浮現嘅概念就係創造財富，反而減少開支、增加儲蓄就比較少人留意到。其實理財嘅重點不單集中於創造財富，減少開支亦非常重要。要創造財富，首要條件是累積種子資金，然後再運用種子資金去作妥善投資，方能夠達到財務自由的目標。