本文重點
四年一次o既世界盃即將來臨，球迷當然會關注各支進入決賽隊伍的勝算，股神巴菲特就似乎不多睇好法國成為今屆世界盃盟主，事關巴郡旗下的保險部門，最近就賣出一份法國勝出世界盃的投保合約，若法國得勝，巴郡將要作出3,000萬美元（約2.3億港元）的賠償。
巴郡承保 勝出賠2.3億
不過，股神日前接受CNBC訪問時就話，佢呢份保單是由佢嘅得力助手Ajit Jain負責掌管的保險部門批出，但股神點都唔願意透露呢份合約的投保者是何方神聖。今次批出呢份「世界盃」，或者可視為股神畀球迷嘅貼士。
另外，巴郡旗下成衣生產業務Fruit of the Loom及地氈生產商Shaw Industries無法逃過實體經濟欠佳嘅衝擊，在○九年先後裁員23%及12%，受影響嘅人數分別達7,944人及3,482人，而巴郡旗下所有業務部門合計，去年就更加合共裁減23,970人。