勸勉勤力工作

同桌嘅記者唔少都係八十後，就同孔總解釋，呢一代打工仔最大問題，無得似九七年前咁年年有人工加，相反唔減薪都偷笑，孔總聽後就笑笑口叫大家再勤力啲工作。

食飯到尾聲，就玩吓遊戲增進大家感情，但之前未能同孔總同桌嘅記者，就捉住孔總唔放，不停問問題，孔總反應敏捷，反問記者一句「你人工咁低，使乜咁搏呀?」引來哄堂大笑。當然，體貼嘅孔總最終都逐一回答記者嘅問題，等大家有得「交功課」。