太子收到風，今年經營環境好咗咁多，恒生派花紅亦更闊綽，聽講第一級，即係表現最好嘅級別，有七至八個月花紅，比上年最多嘅3.5個月好得多。

與07年仲有大距離

金融海嘯之後，銀行界花紅成為市場焦點，太子發現，市民隨時重視銀行家發花紅多過銀行盈利，皆因歐美銀行搞到天下大亂，問股東同納稅人集資之餘，又有好多銀行家靠分紅坐擁巨資呼風喚雨。

雖然畀金融海嘯影響咗整個經營環境，但係以恒生銀行為例，不但唔需要集資，仲要維持派息，上年最多都係得3.5個月花紅，所以聽講今年環境好番啲，分花紅情況好好多，連第二級都有四至五個月花紅，雖然好過上年，不過相比○七年時最多十四個月，仲距離好遠。