為回應增加土地供應嘅訴求，政府公布新一年勾地表增加11塊地皮，總數增至62幅。阿莊認為，近期政府對樓市嘅高度關注，必然會打擊樓市炒風，但站喺實際供求角度，暫看樓價往下調整嘅空間依然有限。

放大圖片

放大圖片

擔當行業整合龍頭

兩會將於下周三召開，今年會議焦點相信將圍繞推動低碳經濟、刺激內需、繼續推行央企改革以及惠農政策等。由於呢啲都係舊話重提，對於相關板塊股份嘅刺激作用，不宜作過分憧憬，畢竟近期股市「缺水」，跟風炒作只宜小注。

內地致力推動醫療改革，醫藥股已成為機構投資者長期追捧嘅對象。作為內地最大藥品及保健品分銷商嘅國藥（01099），去年九月在港上市，雖然目前國藥喺內地的市佔率只係11%，但由於內地藥品分銷市場分散，國藥已具備條件充當行業整合嘅領軍者角色，估計未來兩年盈利將繼續以雙位數字增長，並會以購併方式加快擴充步伐，故股價雖然已較招股價翻了一番，但仍備受基金愛戴。

本月中旬國藥股價突破32至33元阻力區後，昨日曾高見35.1元，收報34.15元。下周一起，國藥將納入MSCI環球標準指數成分股，下月八日起則會將納入恒生國企指數成分股，短線指數基金嘅買盤將達高潮，料可推動國藥股價挑戰38至40元水平，回吐宜守30元。

順帶一提，昨日推介嘅通達集團（00698）一度高見0.345元，收報0.335元，升3%，成交6,157萬股。阿莊亦以平均價0.33元買入了50萬股，打算作中線持有。