本文重點
一向識飲識食兼且最懂享受人生嘅資深經紀張天生，○七年七十歲大壽時返咗鄉下順德搞咗個「美食人生演唱會」，參加咗演唱會同派對嘅人至今仍津津樂道，咁張天生幾時會encore呀？
張天生話得到大家咁捧場支持，當然好開心，但坦言如果個「騷」搞得太密，大家未必會咁享受。
演唱會五年一度
佢已經決定咗，二○一二年，即係佢七十五歲大壽時，會再搞「美食人生演唱會」part 2（第二集），如果身體好嘅話，以後每五年搞一次，可能都係不錯嘅提議呢！
佢話自己到了這個年紀，最緊要就係身體健康，開開心心又一日，所以佢雖然嘗盡天下美食，但都必定督促自己要勤做運動，鍛煉身體。近日天氣雖然嚴寒，佢都沒有偷懶，只係換咗去做健身，跑步機、行山機統統都難不倒他。