本文重點
現為美國總統奧巴馬身邊「紅人」、全力限制華爾街大行進行投機活動嘅聯儲局前主席沃爾克（Volcker），在高齡八十二歲再做新郎，上個禮拜迎娶為其工作達二十年嘅助手Anke Dening為妻，還搵來好友兼美國上訴法庭法官Katzmann證婚！在上世紀八十年代出掌聯儲局嘅沃爾克，當年以高息控制通脹。現為白宮高級經濟顧問嘅沃爾克，近期又因協助奧巴馬而人氣急升。
不過，沃爾克今次婚禮就低調得多，上周婚禮只在紐約嘅法院內舉行，當中除證婚嘅好友法官外，獲邀嘅嘉賓只有紐約大學經濟學教授Robert Kavesh及其太太。沃爾克與太太結婚後會到美國維珍群島度蜜月。
廿載助理變老婆
沃爾克與Dening於一九八七年認識，當時沃爾克剛加入Wolfensohn擔任主席，Dening則出任助理，展開長達二十年嘅賓主關係。