去年服務社會萬七小時

恒生為咗鼓勵呢班義工，最近特登舉行咗個嘉許禮。出席嘅逾200名義工獲得該行副董事長兼行政總裁梁高美懿親自表揚，而服務超過50小時的義工更可以獲頒梁太的親筆簽名證書。

梁太話，成立恒生義工隊嘅目的係希望同事喺工作以外嘅時間，有機會與其他同事及家人一起服務社會，建立團隊精神。梁太仲提到，去年同一班獎學金得主嘅分享內容，佢話成功要訣在於五心，即用心、決心、耐心、虛心以及恒心。梁太讚賞恒生義工唔單止充分發揮成功要訣嘅五心，而且仲充滿愛心，使到社會上有需要嘅人士得到幫助。