唔使走幾場 券商齊讚

今年已經係五大組織連續第二年喺港交所「擺檔」。由於去年首次喺港交所舉行，反應唔錯，除咗多位官員及前港交所主席李業廣都有嚟畀面出席，更吸引咗大量業界人士到來，展覽廳擠得水洩不通，氣氛熱鬧，所以五大組織今年再接再厲。

聯合春茗嘅主意，係由證券學會會長張華峰提出，證券商協會蔡陳葆心和議，金融界人士一致讚好，話不用走幾場。

蔡太仲同太子講，證券商協會今年適逢三十周年，三月二十二日會喺會展舉行三十周年晚宴。該會新一屆理事會，包括新主席蔡思聰亦會喺當晚舉行就職典禮。由於喜事成雙，當晚慶祝節目會大搞，除咗筵開40圍之外，蔡太話邀請嘉賓方面將會花更多心思，到時會見到邊位重量級人物，大家拭目以待。