騰訊（00700）在內地做即時通訊（IM）生意QQ做得勁就係人都知道，不單止令主席馬化騰身家暴漲，更加令公司成為唔少散戶嘅心頭好。近日仲傳出騰訊有意競購AOL計劃出售嘅ICQ，如果落實，騰訊就多一個海外市場概念喇。
內地人幾乎每買一部新電腦，就會開個QQ戶口，QQ嘅用戶應該仲有排增加。近日老外媒體就報道騰訊有意「走出去」，到海外收購。據悉，騰訊有意競購AOL計劃出售嘅ICQ；報道仲話，AOL已經喺7個買家揀出4個進入下輪嘅評估。ICQ喺歐洲仍受歡迎，若果騰訊買得成，公司以後就多一個海外市場概念喇。