游水諗嘢撞埋池邊

David話佢有次游水時掛住諗嘢，諗吓諗吓就成個頭撞咗落泳池邊！太子都戥佢一額汗，如果係游泳健將，撞落池邊分分鐘「見紅」都有份。不過，見David依家個頭好光滑冇傷口，估佢應該都係撞親少少冇大礙。

David話其實好多運動都需要思考，好似佢另一樣至愛嘅高爾夫球運動，由第一個洞打到最尾個洞，個腦都要不停思考，真係全方位鍛煉。佢仲有另一樣興趣，相信冇乜人估到，答案就係氣功。佢依家做埋氣功助教，仲話一向嘅宗旨就係唔止要學會，仲要學得精。

林炎南尋日喺中銀香港頒贈獎學金嘅儀式上，與二百幾位大學生分享經驗。