大市昨日在期指結算日有反彈，不過投資者信心明顯並未回復，出手買貨的人唔多，股份反彈力度始終有限，所以要短線博反彈，就要揀實力派股份。當中，不妨留意隻中國動向（03818），因為在國家致力推動內需的政策下，體育用品股自然可以受惠，具防守力之餘，相信其反彈力度亦會不俗。
走勢上，中國動向股價自跌至4.74元後，開始遇到支持，昨日乘大市做好，其股價亦於5元水平樓上企穩。加上集團早前的一○年第二季經銷商訂貨會中，接單情況理想，據知金額較去年同期上升22%，故相信公司今年上半年整體表現將勝過預期。
昨日唔少大行排隊買入中國動向，即使有摩根士丹利同美林遠東力沽，但里昂證券、花旗集團、瑞銀證券以及高盛亞洲都見積極接貨，其現身買盤分別由164次至220次不等，至於主動買盤亦達855萬股。既然大行現水平願意出來買貨，相信股會再跌空間應該有限。