羅力曾經喺摩根大通同美林工作，同行政總裁李小加合作過。較意外嘅係去年四月退休嘅港交所前結算科主管盛善祥，不足一年重返港交所做顧問，主力處理運作事宜的大方向。

盛善祥與前行政總裁周文耀係好拍檔，○三年周文耀重返港交所時就力邀盛善祥回巢。熟悉周文耀嘅人士話，周文耀好相信「不在其位，不謀其政」嘅原則，所以近期港交所嘅人事變動，應該同佢冇關。

羅力加盟睇市場發展

至於出任市場發展執行總監嘅羅力，會專注高層次嘅市場發展方向，而人民幣產品發展可能係佢其中一個重要任務。