回顧上兩個星期港股表現，似乎調整有進一步加深的迹象，難怪炒友都話今年難搵食，尤其舊年唔少股份已累積巨大升幅，今年要跑贏大市，惟有選擇大落後股份。

隨着武廣高鐵通車，內地高速鐵路運輸翻開新的一頁，內地鐵路股潛力再次受重視，廣深鐵路（00525）因而受追捧。集團去年首九個月盈利雖按年下跌5.1%，但第三季度盈利實際是增長6.4%，而且季度客流量及貨流量均錄得雙位數字增長，反映其業績持續改善。

為配合高鐵通車，廣深鐵重新調配班次，部分重複的班次會取消，短期或影響部分收入。不過內地從去年十二月底開始提高鐵路貨物運價，料可抵銷部分損失。另一方面，市場一直憧憬母公司會對廣深鐵進行注資，亦係刺激股價上升的因素，可吼位趁低吸納。