本周為港股期指結算周，若然恒指反彈未能守穩20,500點，則頗大機會要喺20,000點樓下結算；相反，若反彈持續，則有望重上21,000點水平。投資者宜檢討投資組合風險，短線以守代攻。

放大圖片	放大圖片	放大圖片

內需股看高一線

回說內地，上周公布嘅最新經濟數據告訴大家，人行可能提前喺上半年加息，今年內銀嘅信貸增長亦可能未及預期。故阿莊認為，內銀股未到撈底時候，而資金壓力較大嘅內房股亦宜迴避。站喺防守性角度，雖然今年大趨勢係收緊銀根，但致力推動內需嘅政策未有改變，因此內需股仍然係較具防守性嘅選擇。

再看最近內地CPI數字，食品價格增速最為明顯。聚焦食品股、從事零食及飲料等業務嘅旺旺（00151），產品類型和售價較大眾化，近年積極「送旺下鄉」，開拓消費力正不斷上升嘅農村市場。

目前公司財務狀況良好，經營環境受金融市場動盪影響亦不大，而以其品牌知名度及銷售網絡，議價能力較強，只要原材料價格穩定，毛利率可保持較快增長。綜合各項因素，此股可視為防守性之選，股價向上阻力區喺5.8至6元，而4.8至5元乃重要支持區。