黑夜雷劈封面 剖析經濟

簡世勳呢本新書嘅封面係黑夜入面一道雷劈落嚟，加上個書名叫《Losing Control》，稍不留神真係以為係史提芬京嘅作品。不過，呢本書就梗係唔係驚慄小說，聽聞內容係簡世勳講番金融海嘯對成個世界嘅財富大轉移之後，歐洲同美國嘅消費者唔好再「先使未來錢」。

簡世勳呢本書由耶魯大學出版，今年五月會率先喺英國面世，六月喺美國推出，不過有冇中文版就不得而知。《Losing Control》係簡世勳精心之作，原來佢由○八年六月就開始寫，上年仲攞咗三個月大假「起貨」。太子以為佢會搵大老細葛霖（大家都叫Stephen）幫拖寫序，點知佢話係自己操刀，莫非咁樣內容會連貫啲？