阿莊去年四月買入嘅北京控股（00392），昨日一度高見63.7元，帳面利潤已超過一倍，阿莊心滿意足，昨日遂以平均價63.5元悉售1萬股，獲利32萬元。此外，為了增持現金，阿莊昨日以平均價55元沽出思捷環球（00330），另以平均價48.4元沽出中興通訊（00763），前者獲利7.5萬元，後者微虧1萬元，同日沽出三隻股票合共套現約142萬元。

放大圖片	放大圖片	放大圖片

回說個股，騰訊（00700）連續三日被狂質，股價由上周五收市價175.4元，回落至昨日收市報155.4元，累計跌幅12.8%，現價正處於50日線。

騰訊勿輕言撈底

既然呢隻股嘅資金流入趨勢有變，若短線失守50日線，將扭轉去年以來嘅上升軌道，正所謂「唔做唔錯」，別輕率入市抄底。

講開科技股，近日神州數碼（00861）旗下神州數碼軟件，跟香港八達通控股旗下嘅八達通中國成立分別各佔51%及49%嘅合資公司，以拓展內地市民卡應用方案及營運服務。八達通喺香港做得好成功，今次找來神數進軍內地，可以話係找對了合作伙伴，照計呢個項目有可為。不過，神數現價估值不便宜，暫宜作壁上觀，待回試10元水平承接，再作考慮。