開百忠坦言，雖然係參加旅行團，但旅程絕不輕鬆，最慘係「冇啖好食」，尤其喺印度，當地衞生情況惡劣，連刷牙嗽口都要用蒸餾水。佢慶幸自己喺冬天去印度，否則一定會病倒回來。

去過一次已足夠

喺印度仲令佢有不少難過沮喪嘅感受，所以佢都贊同導遊話印度（India）嘅英文縮寫係「I’ll Never Do It Again」（印度去過一次就夠）！

關百忠喺滙豐金融服務做咗二十多年，咁佢有無新動向呢？佢就話過咗農曆新年後才打算，但公職當然繼續做，佢之前獲委任做財匯局成員，亦係證券及期貨事務上訴審裁處成員及港交所（00388）現貨市場諮詢小組成員等。