本文重點
昨日喺香港舉行首日嘅亞洲金融論壇，好多猛人到場，其中有大摩亞洲區主席羅奇，佢出席嘅演講環節係圍繞中國做主題。太子喺論壇場地發現羅奇有個新書簽名會。
內地演講被學生打動
太子喺簽名會度同羅奇傾咗幾句，佢本書去年九月已面世，叫做《The Next Asia》，早排出埋中文版，全球發行量有2.5萬本，喺亞瑪遜網上書店財經書籍銷售排名榜上仲曾經高踞第二位，都幾威o架！佢話本新書銷售收益全部用作慈善用途，分別捐畀位於上海嘅中歐國際工商學院及中國愛滋病防治行動。
點解全部捐畀中國？佢話因為自己對中國有一份熱忱，有一次喺嗰間學院演講，被班上嘅內地學生深深打動；佢又覺得內地愛滋病人好慘，好想幫助佢哋。