品質國際（00243）呢隻曾經喺科網股熱潮大炒過嘅股仔，近年業務一直走下坡，旗下主要資產樂依文經營一直未見起色，遇上經濟動盪，近兩年經營情況更差。

放大圖片	放大圖片	放大圖片

樂依文快將成過去

直至最近，公司宣布旗下聯營樂依文悉售樂依文科技股權，而樂依文科技乃樂依文旗下唯一營運附屬樂依文半導體（東莞）嘅間接母公司。完成後，樂依文將會盡快委任清盤人及進行自願清盤。查實，早喺數年前開始，品質持有樂依文嘅帳面值已為零，故上述交易不會對品質嘅綜合財務報表構成任何重大影響。

去年十一月初，品質股價曾現單日大升，之後一直喺0.4元水平上落，至近周再有異動，昨日收報0.54元，單日升幅9%，成交3,143萬元。

齋睇股價表現，呢隻股似乎還有後着，係業務有新發展抑或炒賣殼，不得而知。反正呢期市場追捧細價股，既然品質股價走勢對辦，睇住成交小注短炒亦無妨，若突破0.58元，料快試十一月初高位0.66元，支持喺0.49元。