本文重點
太子嘅廚藝向來有水準，不過拍住法巴零售衍生工具部聯席董事郭小菱（Shirley）比較，就真係有很大嘅差別。因為Shirley嘅入廚經驗已經超過十年，中式、西式、甜品均樣樣拿手。
蒸煮期間教埋炒窩輪
最近輪場忙於玩人事變動，反而法巴就趁新年快到，任命廚藝了得嘅Shirley親自教授投資者去整年糕同蘿蔔糕，更會喺蒸煮期間同佢哋探討一下窩輪和牛熊證嘅投資方法。活動公布之後，Shirley話反應都唔錯，仲有幾位男士已經報名參加。
太子記得Shirley喺美國讀書，明明係一名鬼妹仔，估唔到佢竟然識整傳統賀年食品。佢仲話：「每逢屋企搞party，我同媽咪都會一齊整嘢食，就算整三十人分量嘅食物都無問題。」