本文重點
喺交易所工作接近十五年嘅周文耀，尋日Last Day，正式交棒畀李小加。港交所通告披露，李小加合約為期三年，底薪720萬元，較周文耀○八年底薪780萬元略低（周文耀連同花紅及其他福利年薪合計達1,382萬元），李小加另有75萬元補償佢加盟港交所前，禁制期內收入損失的特別津貼，以及遷移津貼10萬元。
李小加料收酌情花紅
港交所早年已改制度，不再授出認股權，只向員工送股票。暫時未知李小加有冇獲送股票，但佢將可收取酌情表現花紅，及其他實物福利等。
至於周文耀，港交所權益披露資料顯示，於尋日額外增加10,915股港交所，持股量達3,297,194股（或0.31%），按港交所昨日收市價計，市值4.837億元。
周文耀話退休後會參與一些兼職，可能與慈善團體、大學及專業團體有關，至於係唔係已有上市公司招攬佢做非執行董事，佢就大耍太極，只說未來幾個月都不會考慮。退休後佢會睇多啲書，好似歷史同文學。
佢尋日退休，心情Natural High，除咗做「生神仙」有求必應，簽名影相外，最後更出其不意的，在離開交易所門口時，睇準在場無相機同攝影機瞄實佢時，向在場各位送上「飛吻」，就此瀟灑地離開。