港交所（00388）早前舉行周年晚宴，由於行政總裁周文耀離任在即，今年嘅周年晚宴最特別應該係當晚港交所首次影咗一張全體800名員工嘅「全家福」大合照。
港交所員工有800多人，當晚除咗要當更或放假嘅員工無出席外，幾乎所有員工都參與呢次壯舉。
經紀筵開40席餞行
周文耀係任期最長嘅交易所行政總裁，員工對佢難捨難離，周年晚宴當晚港交所主席夏佳理同候任行政總裁李小加及部分董事都有出席。
尋日證券及期貨業職工會舉行酒會，太子傳媒老友碰到蔡陳葆心，佢話已鐵定下周二喺中環大會堂歡送周文耀，將筵開40席，李小加都會出席。