話說老詹剛過去嘅除夕日終於結束賭城之旅返到香港，太子梗係第一時間問佢今次賭錢最後戰果如何？佢喺電話中笑到哈哈聲，話自己真係好好彩，埋單總共贏咗150萬美元，即係過千萬港元，大發新年財。
佢今次去賭城玩，總共留咗十五日，住過高爾夫球場別墅、又住過新建嘅豪華酒店。仲話日日飲靚酒、食好嘢。不過，佢竟然冇肥到，仲輕咗一磅添！