今日推介嘅星辰通信（01155），係有業績、有前景嘅高增長股，但股價就較同業折讓一大截，只要追回落後失地，股價可以升一兩個開。

星辰為內地三大無線覆蓋解決方案供應商之一，受惠全國3G網絡建設、2G同2.5G網絡嘅優化改良，以及實現全國農村移動通訊「村村通」。內地各大通訊公司將需投入資產超逾4,000億元，星辰食正呢條水，未來盈利將大幅上升。

○九年度上半年，星辰盈利8,340萬元（人民幣．下同），上升56.8%，每股獲利11.9分，預期全年盈利1.85億元，每股獲利0.3港元，預期市盈率只有7.7倍，相對同業京信通信（02342）嘅預期市盈率22.6倍便宜得多，星辰以十五倍計，股價可值4.5元。

星辰通信（01155）　目標價：4.5元　止蝕價：2.0元