今日係普天同慶嘅聖誕節，美國呢個咁重視聖誕節嘅國家就有啲唔同，皆因好多受過政府打救嘅機構，就算有錢都唔敢玩得咁豪，實行過一個低調嘅聖誕節。反傳統現低調嘅投資銀行，包括高盛、花旗、摩根士丹利及美銀等金融機構，今年不會舉辦聖誕派對或活動。美國經歷前所未有嘅金融海嘯之後，當地人心態係「憎人富貴嫌人貧」，奢華嘅活動可免則免。
貝爾斯登舊將聚首
呢批金融海嘯幸存者「過節」要知慳識儉，反而好多「陣亡」咗嘅投行就HAPPY得多。好似已經作古嘅貝爾斯登100位前員工，上周五便走到紐約西55街Dream Hotel嘅Rm. Fifty5賀聖誕。