本文重點
寶威控股（00024）最近頻頻有大動作，繼早前收購鐵礦業務後，近日再宣布向股東派送擁有嘅全部華彩控股（08161）股份，以後業務只會專注鐵礦開採同鋼鐵貿易，前景更明朗，值得睇好。
是次寶威以「20送9」基準，向股東派送持有嘅15.4億股華彩股份，以華彩上周五收市價0.325元計，即每股寶威可獲派0.14625元，以寶威上周五收市價0.61元計，除淨後為0.46375元。
中線目標1元不變
本欄曾於上月二十四日推介寶威，當時股價0.49元，上周三最高升至0.7元，升幅42.9%，之後跟隨大市回落，上周五收報0.61元，跌2仙，已獲利嘅投資者可趁低買番，至今仍揸貨嘅則可考慮加碼，短期目標維持0.75元，中線目標1元不變。
近期重組概念備受市場追捧，十月中，越秀投資（00123）宣布為了專注地產業務（寶威則專注鋼鐵業務），向股東派送旗下越秀交通（01052）股份，刺激股價由1.38元，急升至2.72元高位，升幅97%。
睇番寶威，目標是發展成為中國最大嘅磁鐵礦私營集團，加上有派送嘅利好因素，相信股價亦將有如越秀般掀起高潮，追得過。