本文重點
好多人都鍾意收藏名錶，因為既實用又華麗，好以英皇鐘錶珠寶（00887）執行董事楊諾思揸住嗰隻卡地亞鑽石錶，簡直係好多女士夢想嘅聖誕節禮物。呢隻名為「Ballon Bleu full paved HJ watch」嘅名錶，總共有超過30卡鑽石，目前為止全球僅有三隻，售價648萬元。
30卡鑽石錶全球僅三隻
英皇鐘錶早幾日至搞咗個Patek Philippe嘅名錶展，楊諾思話，英皇珠寶一直致力將世界一流品牌嘅鐘錶及自家設計生產嘅瑰麗珠寶呈獻畀顧客，務求畀客人獲得最新款最上乘嘅產品。
今次同法國著名腕錶卡地亞合作，喺英皇嘅尖沙咀旗艦店內舉行《高級腕錶系列》展覽，今次展覽將展出五個系列共38隻腕錶，是次焦點為「Ballon Bleu full paved HJ watch」，係卡地亞於二○○九年嘅SIHH發表新作，此系列今次於香港首度曝光，勢必吸引各方愛錶人士到場鑑賞全新嘅矚目腕錶珍品。