王冬勝祝佢生活愉快

蔡耀君退休後嘅生活多姿多采，佢仲話自己退休簡直就係「升呢」！

今年都算係銀行界最多重臣退休嘅一年，繼金管局前總裁任志剛退休後，老臣子YK亦就嚟退休。尋日佢最後一次出席銀行公會例會，銀公主席王冬勝（Peter）話同YK合作咁多年真係好開心，佢退休後可做自己鍾意做嘅嘢，預祝佢退休生活愉快。

YK聽到Peter咁講，即刻用「潮」語回應，形容自己退休係「升呢」！真不愧為銀行監管三十五年嘅老手，認真緊貼潮流。佢亦話好多謝銀公及傳媒對金管局嘅合作支持。聽講，YK退休後會讀吓書，仲要係讀歷史。

唔知佢做番學生哥之前，會唔會學吓佢前老闆，退休後去吓旅行，開個網站同大家分享觀點，咁普羅大眾就有福喇。