本文重點
行善最樂，昨日渣打舉辦「馬拉松101教育計劃」中一項大型課外活動上，大會利用200幾個由學生設計的不倒翁砌出巨型笑臉圖案，而身兼呢項計劃大使嘅渣打香港個人銀行業務主管禤惠儀，連同300名學生齊齊同「笑哈哈」影相。
為港殘奧會籌40萬
上述活動叫做「永不倒！站起來！」用不倒翁嚟配合主題就最貼切。今次活動總共有超過2,500名學生為600個高1.2米嘅不倒翁設計造型，而大會最後就揀咗其中200幾個。
太子仲知道有份參加嘅學生好關心社會，總共收集到8,000個公眾人士嘅簽名，渣打就以每個簽名捐款50元，為香港殘疾人奧委會籌到40萬元，發揮傷健共融，永不言敗的馬拉松精神。
渣打嘅工作人員話畀太子聽，原來禤惠儀出席完該活動之後，馬上趕去搭飛機出差。工作咁繁忙，難得佢抽空出席活動，唔怪得成為馬拉松計劃大使啦。