本文重點
新地（00016）執行董事黃奕鑑仲未正式展開退休生活，就已經有新任務。不過，呢個任務唔會影響佢明年退休後追求個人興趣，真係令到太子既羨慕又妒忌。早於今年六月，黃奕鑑宣布將於明年一月一日轉任非執行董事，正式展開退休生活。不過新地對這位「橋王」兼老臣子始終難捨難離，新地尋日宣布由明年一月一日起，委任黃奕鑑為集團首席顧問，為集團的長遠業務發展及重大決策提供意見。
退休轉任首席顧問
黃奕鑑大學畢業後就加入新地，由行政見習生做起，由於「數口精」兼「多橋」，所以有「數王」兼「橋王」之稱。新地副主席兼董事總經理郭炳聯昨日表示，黃奕鑑服務新地二十八年，對公司貢獻殊深，成功推展公司業務穩步向前；而黃氏日後能以集團首席顧問身份，繼續為新地的長遠發展提供寶貴意見，定能為集團的未來發展帶來裨益。
黃奕鑑今年六月宣布退休大計後，已陸續把手上工作交棒予首席財務總監陳國威，新地發言人尋日亦指出，今次委任黃氏當首席顧問，繼續効力新地，同時可以投放更多時間追求個人的興趣及參與社會公益服務，足見新地對這位「橋王」仍然十分重視。