既省電又環保

擁有好多電腦主機嘅恒生銀行（00011）就從呢啲細微之處達到環保目的，佢哋計過，只要早啲關掉唔用嘅電腦主機，每年銀行可以慳番電費高達270萬元，同時能減低二氧化碳排放數量，相等於搭飛機來回香港上海6次咁多。

用完電腦要關機其實只是舉手之勞，但好多打工仔都懶做，可能趕收工，或者無咁嘅習慣，令部機成日處於備用狀況，既浪費電力又不環保。恒生早前已通知員工會實施新措施，把所有桌面電腦的自動關機時間，由過往晚上十點半，提早在七點半發出關機訊息，部機在二十五分鐘後便會自動關掉（即使部機當時還開着）。