帶隊奪小輪車賽亞軍

唔好以為身為滙豐高層嘅范浩宏係畀人臨時拉夫被迫參賽，聽講范浩宏原來係單車健將，擁有海外比賽經驗；至於同范氏一齊出賽嘅3隊滙豐單車隊合共12名成員，大部分亦擁有公路賽經驗，同屬單車猛將，難怪滙豐隊最終可以進身決賽，仲勇奪亞軍添！

正所謂成功非僥倖，據知，滙豐單車隊自去年年中成立，至今約有30名滙豐員工參加，滙豐集團總經理兼亞太區環球資本市場主管馮婉眉都係成員之一。單車隊由前香港單車隊成員何兆麟擔當教練，一個月集訓兩次，如果有賽事要舉行，集訓次數就更頻密。隊員返朝九晚五之餘仲要集訓，都咪話唔辛苦。