本文重點
前滙豐亞太區主席艾爾敦尋日喺佢自己博客炮轟一個中環老問題，佢話唔少中環老細為咗趕時間，叫司機泊部車係中環隨時趕接送，結果搞到中環大塞車，而且停車又唔熄匙，嚴重污染空氣，艾爾敦批評呢啲係極其自私嘅行為。
中環污染好難頂
太子睇艾爾敦嘅Blog咁耐，講嘅大小問題都唔係無的放矢，但好少好似今次講嘢咁激。
早前，佢講開多個亞洲大都會均以躋身國際金融中心為目標，連伊斯坦堡都想進身金融中心，做份研究報告喺IMF傳閱。佢為此評彈幾句，佢話咁多城市想做金融中心，究竟佢哋知唔知自己想做啲乜？
一向以香港為家嘅艾爾敦，話中環嘅污染問題真係好難頂，佢仲寫咗幾個講明係罪魁禍首嘅車牌，為存厚道，無寫晒全部數字，只提NP 36XX、NZ 15XX等，佢仲話有相為證，無屈錯人。