「龐氏騙案」主角馬多夫早已入獄。美國當局將從馬多夫及太太家中搜出嘅200件物件拍賣，所得會償還騙案苦主。
究竟拍賣會有乜嘢賣呢？當中有勞力士錶、名貴頸鏈、外套、皮草及手袋，其他仲包括名牌卡片座等，淨係批勞力士手錶估值已經超過50萬美元。
名錶日用品共二百件
有興趣嘅話可以喺今個禮拜六舉行嘅拍賣會舉吓手，太子估計馬多夫私人珍藏嘅16隻勞力士錶中，外號「監犯錶」古董勞估值達8.75萬美元。
個拍賣會仲有啲普通家庭都用得着嘅物品，例如只係20美元底價嘅馬多夫住宅門牌，亦有90美元底價嘅釣魚用具。假若苦主要向馬多夫發洩，亦可考慮競投底價90美元、附有馬多夫及太太名字嘅信紙及辦公室用品。