本文重點
雖然香港係一個華洋共處嘅地方，不過如果大家係中國人，始終覺得同聲同氣啲！英國保誠香港之前都係由外國人打骰，最近由喺香港保險業打滾咗二十五年嘅容佳明出掌，成班員工見到新老闆係「自己人」，都話非常親切！
Derek（容之洋名）一上場，就已經同班員工有好多溝通機會，因為佢認為作為領袖，溝通係非常重要嘅元素。咁又係，大家互相了解對方心意，摸清喜好，以後辦事都順利啲！Derek話，有信心今年生意可錄得正增長，出年仲要做到有雙位數增幅。
帶出色經紀遊西班牙
眾所周知，Derek係超級足球迷，一得閒就去踢波，佢明年五月仲會帶隊，同班表現突出嘅經紀同遊西班牙巴塞隆拿，當地人踢足球都相當出色，話唔埋撞啱有球賽，仲可以現場欣賞勁旅表演。