本文重點
意馬國際（00585）又有人事變動，九月尾先調任署理行政總裁嘅丁竹筠，話咁快就辭職，離職日期係前日。記得意馬公布丁竹筠做署理行政總裁後，曾畀聯交所抽秤，話意馬要根據《上市規則》，披露丁小姐○三年六月十七日，曾被證監會公開譴責的資料。太子唔知兩件事有冇關係。
丁竹筠閃電離職
該項譴責源於證監會發現，○一年三月新世界發展（00017）之管理層引導當時任職高盛分析員嘅丁竹筠，調低其對新世界發展之中期溢利估計。丁竹筠刊發一份研究報告，丁竹筠之後被譴責。事後丁竹筠繼續任職高盛，○五年丁竹筠離開高盛。意馬尋日份通告話，丁竹筠辭任係基於向董事會表示，有需要整合領導層，委任永久行政總裁從而向公司提供策略方向，故辭任及終止出任董事。意馬已經搵咗執行董事潘從傑接任行政總裁。
意馬幾經艱難先至搞到《阿童木》上畫，點知負面消息接踵而來，坊間傳聞話《阿童木》票房「麻麻哋」，意馬股價曾一日急跌三成幾，好似話有投資者沽貨離場。依家仲加埋人事變動，呢啲劇情真係估唔到。